Autoritetet greke kanë arrestuar një 46-vjeçar shqiptar, i cili dyshohet se ka kërcënuar dhe ka tentuar të rrahë me shkopinj vjehrrin e tij. Mediat vendase raportojnë gjithashtu se më pas shqiptari e ka qëlluar me gurë dhe e ka lënë të plagosur. Fqinjët ishin dëshmitarë të të gjithë skenës dhe ishin ata që njoftuan policinë.
Mësohet se i arrestuari ishte me precedentë të mëparshëm penalë, por ai i ka mohuar akuzat e ngritura ndaj tij. Edhe më parë ai ishte arrestuar disa herë për dhunë ndaj bashkëshortes dhe vjehrrit, madje e ka kërcënuar edhe me thikë. Mësohet se shqiptari vuan nga probleme të shëndetit mendor pasi ka qenë i shtruar në spital nga ku është arratisur të paktën dy herë. Gjithashtu ai njihet edhe si përdorues droge.