Shkatërrimi i koshave të mbeturinave në shëtitore, hedhja e stolave në ujë te Plazhi i Ri dhe prishja e koshave të vegjël në rrugët e qytetit ka bërë që kryetari i bashkisë, Adrian Gurma të reagojë i revoltuar ndaj këtyre akteve vandale ndaj pronës publike. Pak më herët kryebashkiaku Gurma ka apeluar që të gjithë qytetarët e Sarandës të mbrojnë pronën publike, madje ai bëri me dije se njëri prej autorëve të këtij krimi është vënë në prangat e Policisë Sarandë dhe pritet të marri dënimin përkatës për veprën e kryer.
Gjithashtu Bashkia Sarandë ka sjellë në vëmendje pasojat ligjore sipas Kodit Penal për shkatërrimin e pronës publike.
“Duke marrë shkas, nga aktet e dhunshme ndaj pronës publike ndodhur në qytet, sjellim në vëmendje të qytetarëve, pasojat ligjore, që rrjedhin nga veprime të tilla, sipas Kodit Penal të RSH.”, paralajmëron Bashkia Sarandë.
/sarandalife.al/
