Një automjet i cili vinte nga Shqipëria thyen traun e doganës greke të Mavromatit (Qafë-Botë). Mjeti nuk i është bindur policëve për kontroll, ka shtuar shpejtësinë duke thyer traun dhe më pas është futur në tokë greke. 6 Mjete të policisë greke janë vënë në ndjekje të automjetit për rreth 30 km deri sa i kaneë bllokuar rrugën brenda qytetit të Igumenicës. Në tentativë për t’u larguar, drejtuesi shtetas shqiptar, ka përplasur një nga mjetet e policisë por fatmirësisht pa lënduar njeri. Drejtuesi është shoqëruar në policinë e Igumenicës ndërsa mjeti po i nënshtrohet një kontrolli të imtësishëm. Deri tani nuk është gjetur asnjë gjë e dyshimtë në makinë dhe policia dyshon se kemi të bëjmë me një person me probleme psikologjike.
Burime nga Policia Kufitare e Sarandës bëjnë me dije se mjeti ka kaluar me shpejtësi edhe në doganën shqiptare duke mos iu bindur urdhrit të policisë dhe duke rrezikuar jetën e punonjësve. Sapo ka kaluar edhe traun e doganës shqiptare, është njoftuar pala greke por edhe atyre nuk i është bindur.
/sarandalife.al/
.Lexo më shumë){kind=link}