Kryeministri Edi Rama ka njoftuar më 9 dhjetor zhvillimin e një konkursi në faqen e tij në Facebook, përgjatë tri javëve të fundit të vitit 2021, ku do të jepen tre çmime.
Çmimet do të jepen për fotografinë e vitit, videokërkesë, dhe urimi më i veçantë. Rama bën me dije se aplikimet duhet të bëhen te portali shqiperiaqeduam.al, në rubrikën konkursi 2022.
Më pas çmimet do të shpërndahen me një aktivitet të posaçëm me 100 persona të ftuar nga pjesëmarrësit në Konkursin e vitit të ri 2022.
Pjesëmarrëse me pamjen e saj është dhe Saranda me një foto të shkrepur në Kalanë e Lëkurësit me diellin duke perënduar. Nuk jepen të dhëna nëqoftëse kjo foto është nisur nga një qytetar i Sarandës, turist vendas apo i huaj.
/sarandalife.al/