Muharrem Haxhi reagon pas skandalit me mesazhet e WhatsApp që qarkulluan ditën e sotme, ku deputetja Ina Zhupa e “uroi” anëtarin e Kryesisë së Degës lokale Sarandë, Spiro Vason, me mesazhin: “Suksese në jetë!”.
Gjithçka ka ndodhur në grupin e WhatsApp-it të kryesisë së PD në degën e Sarandës.
Një prej anëtarëve të Kryesisë së degës lokale, Spiro Vaso ka njoftuar grupin se ditën e premte do të vizitojë qytetin e Sarandës lideri historik i PD, Sali Berisha i cili do të zhvillojë ‘Foltoren’ e radhës me demokratët.
Mirëpo, mesazhi nuk i ka pëlqyer deputetes Ina Zhupa, e cila në formë kërcënuese i ka ‘uruar’ anëtarit të Kryesisë ‘suksese në jetë’, një term ky i përdor nga Ilir Beqaj i Edi Ramës, kur shkarkoi nga puna një anëtar të PS në Kukës, se nuk u paraqit në mbledhjen e Partisë.
Pas këtij lajmi ka reaguar, Muharrem Haxhi, i cili ka qenë Kryetari i parë i FRPD Sarandë në vitin 1992.
Haxhi shprehet: ” Unë besoj se demokratët e Sarandës do të marrin pjesë masivisht në takimin e të premtes me Doktor Berishën. Ina Zhupa je e ardhur në PD dhe e emëruar e Bashës si numri 2 i Qarkut Vlorë. Të paktën ndrysho fjalor e mos kërcëno demokratët me batutat e Ilir Beqës. Themelues, qëndresëtarë, demokratë të çdo moshe, bëhuni pjesë e lëvizjes për një PD më të fortë, më të bashkuar.”.
/sarandalife.al/
