Bashkia Sarandë ka organizuar aktivitetin për ndezjen e dritave të bredhit simbolik të festave të fundvitit.
Artistët e vegjël të Qendrës Kulturore të Fëmijëve me interpretimet muzikore i dhanë një gjallëri të veçantë këtij organizimi.
I pranishëm, ishte dhe kryetari i bashkisë, Adrian Gurma i cili ka përcjellë urimin për festat e fundvitit.
“Ndezëm dritat e Festave. Gëzuar”, shkruan kryebashkiaku Adrian Gurma.
Qendra e qytetit, rrugët e shumta si dhe pjesa e shëtitore janë zbukuruar me drita shumëngjyrëshe për të qenë një destinacion turistik tërheqës dhe i përzgjedhur nga vizitorët vendas dhe të huaj përgjatë fundvitit.
Në shëtitore qytetarët e vizitorët i pret Shtëpiza e Babagjyshit, instalacioni 2022 dhe tuneli me drita të bardha, i cili do të kthehet një ndër pikat më të rëndësishme për foto apo Tik-Tok.
/sarandalife.al/
