Finiq: Dita e Dritës dhe e Ujit të Bekuar në bashkinë e Finiqit është shoqëruar sot nga ceremoniali tradicional i Dritës dhe hedhjes së kryqit në ujërat e Bistricës. Besimtarë të shumtë iu drejtuan kishës së Shën Vasilit, në fshatin Caush, ku morën pjesë në meshën për bekimin e ujit. Në meshë merrte pjesë gjithashtu edhe kryetari i bashkisë Kristo Kico dhe deputeti, Niko Kuri. Pas meshës në Kishë një numër i madh besimtarësh kanë shoqëruar ceremonialin e hedhjes së kryqit në ujë. Kryqi i shenjtë është hedhur në ujërat e Bistricës. Me hedhjen e kryqit në ujë simbolikisht është bërë edhe bekimi i të gjitha ujërave. Pas Kryqit janë hedhur në ujërat e ftohta disa të rinj.
Kryqin e shenjtë në këtë 6 janar e kapi 15 vjecari Panajot Stavro nga Alikua. Ceremonia e Dritës së Ujit të Bekuar ka vazhduar më tej me kthimin e besimtarëve në oborrin e kishës “Shën Vasili”, ku secili prej tyre ka marrë ujë të bekuar për në shtëpitë e tyre.https://ySG8nIoutu.be/eAPgnW