Adrian Gurma ka qenë sot së bashku me Ndërmarrjen e Shërbimeve dhe me punonjës së saj në Çukë për të mbikqyrur aksionin e pastrimit të zonave problematike në këtë zonë.
“Vazhdojmë me pastrimin e territorit në aksin rrugor pranë fshatit Çukë. Ecim!”, informon vijimin e këtij aksioni në Çukë.
Jo vetëm pastrimi i mbeturinave të përditshme, por dhe baza inertesh të cilat janë hequr me skrep dhe janë transportuar më pas në vendgrumbullimin e duhur për këto inerte.
“Strategjia për të vendosur kontroll mbi pastërtinë e territorit, po prek një nga një të gjitha vatrat e reja e të vjetra, që përdoren si koshe “ilegalë” për hedhjen e lloj-lloj mbetjesh urbane. Këto ditë, në kontroll është vendosur rruga automobilistike përgjatë fshatit Çukë. Njësia mbështetëse për pastrim ka mënjanuar disa vatra plehrash dhe kjo punë vazhdon, e shoqëruar edhe me masa të reja për moslejimin e rimbushjes së tyre.”, shprehet Bashkia Sarandë lidhur me këtë aksion.
/sarandalife.al/