Për herë të parë bashkia Sarandë ka bërë shitjen e mbetjeve pas riciklimit të tyre në pikën e grumbullimit në Volloder. Sipas bashkisë shitja e 22 ton mbetjeve të riciklueshme është bërë përmes ankandit.
“Bashkia Sarandë ka realizuar për herë të parë shitjen përmes ankandit të rreth 22 ton mbetjeve të riciklueshme (20 ton karton dhe 2 ton plastikë). GIZ po mbështet Bashkinë Sarandë për të inkurajuar grumbullimin e mbetjeve në mënyrë të diferencuar, procesimin e tyre përmes impiantit të riciklimit të ndërtuar me fondet e qeverisë gjermane dhe përgatitjen në këtë mënyrë për tregun e shitjes.
Shitja e sasisë së parë të mbetjeve të diferencuara e shndërron Bashkinë Sarandë në bashkinë e parë në vend që zbaton një model pilot të menaxhimit të mbetjeve, bazuar në ekonominë qarkulluese”, bëhet publike përmes faqes së bashkisë Sarandë.