Një ngjarje e rëndë është regjistruar mbrëmjen e djeshme në Dropull të Gjirokastrës, ku si pasojë e flakëve në një banesë kanë humbur jetën një çift bashkëshortësh.
Bashkia Finiq ka shprehur ngushëllimet për humbjen e jetës së tyre me anë të një postimi në Facebook.
“Bashkia e Finiqit shpreh ngushëllimet më të sinqerta familjes dhe të afërmve të çiftit të moshuar nga komuniteti Hllomos për humbjen e tyre të pafajshme. Të moshuarit e pafat dhanë frymën e fundit në përpjekje për të shuar zjarrin që shpërtheu në shtëpinë e tyre, duke zhytur komunitetin lokal në zi. I përjetshëm qoftë kujtimi i tyre!”, shpreh ngushëllimet Bashkia Finiq.
Ngjarja ndodhi rreth orës 19:20 në fshatin Hllomo. Burime zyrtare nga policia bënë me dije se ka rënë zjarr në banesën e shtetasit I. P. Si pasojë e zjarrit kanë humbur jetën dy shtetasit e moshuar, shtetasi I. P. dhe bashkëshortja e tij, shtetasja F. P., të cilët ndodheshin në banesë.
/sarandalife.al/
