Autoritetet greke kanë lënë në burg të përkohshëm 27-vjeçarin shqiptar dhe 35-vjeçarin grek që vranë shitësin e një dyqani pasi kishin shkuar për të grabitur.
Vendimi për burgim të përkohshëm erdhi pasi të dy kërkuan falje në prokurori, shkruajnë mediat greke, 27-vjeçari shqiptar akuzohet për vrasje me mashtrim, grabitje dhe armëmbajtje, ndërsa 35-vjeçari grek akuzohet për bashkëpunim në grabitje dhe shkelje të ligjit të drogës.
Shqiptari ka deklaruar se nuk kishte ndërmend të vriste 44-vjeçarin por pranon se ka shkuar në dyqanin specifik për të kryer grabitje, duke qenë nën efektin e drogës. Ai pretendon se gjatë një përleshjeje me viktimën ka qëlluar me pistoletën që ka patur me vete dhe kjo ka rezultuar fatale.
“Unë jam një i varur nga droga dhe më duheshin para.”
35-vjeçari, i cili u arrestua si bashkëpunëtor i 27-vjeçarit, pohoi se nuk e dinte që i bashkëakuzuari i tij kishte shkuar në dyqanin specifik për të kryer një grabitje dhe se nuk e imagjinonte se kjo do kthehej në vrasje.
Ai deklaroi se nuk kishte asnjë përfshirje në këtë proces gjyqësor.
/sarandalife.al/