Ukraina akuzon Rusinë për “shkelje të hapur” të të drejtave të njeriut: Përfshirje në akte që përbëjnë krime lufte

- Advertisement -

Zëvendësministrja e Jashtme e Ukrainës Emine Dzhaparova akuzoi të enjten Federatën Ruse për përfshirje në akte që përbëjnë krime lufte, duke shtuar se forcat ruse në Ukrainë kanë kryer “shkelje të hapur” të të drejtave të njeriut.
“Ngjarjet e fundit tregojnë qartë faktin se trupat ruse që luftojnë në Ukrainë kryejnë shkeljet dhe abuzimet më flagrante të të drejtave të njeriut, duke u përfshirë në mënyrë sistematike në akte që qartazi përbëjnë krime lufte dhe krime kundër njerëzimit,” tha Dzhaparova.
“ Bombat ruse po shkatërrojnë qytetet dhe fshatrat e atdheut tim, duke synuar zonat e banuara, shkollat, jetimoret, spitalet, kishat, muzetë, kullat televizive, sheshet qendrore dhe infrastrukturën kritike”, shtoi ajo.
Duke iu drejtuar Këshillit të Kombeve të Bashkuara për të Drejtat e Njeriut përmes lidhjes video, Dzhaparova i bëri thirrje OKB-së që të kërkojë llogari nga Federata Ruse për pushtimin e saj në Ukrainë dhe agresionin e vazhdueshëm ushtarak.
“Ne besojmë se Këshilli i të Drejtave të Njeriut ka një rol udhëheqës për të luajtur në bashkimin e përpjekjeve për të garantuar përgjegjësinë e Rusisë për krimet e saj kundër vendit tim”, tha zëvendësministri i Jashtëm para këshillit.
“Ky është pikërisht momenti i së vërtetës, jo vetëm për vendin tim që po lufton për mbijetesën e tij, por për të gjithë sistemin ndërkombëtar të të drejtave të njeriut dhe institucionet e tij themelore, dhe për ata që iu besua promovimi i të drejtave të njeriut si anëtarë të këtij këshilli”, tha ajo.
Presidenti i SHBA Joe Biden ka thënë se është e qartë se civilët janë duke u shënjestruar nga Rusia, duke i bërë jehonë një akuze të bërë nga kryeministri britanik Boris Johnson se forcat e presidentit rus Vladimir Putin po hedhin municione mbi njerëzit e pafajshëm.
Megjithatë, ndryshe nga Johnson, Biden nuk i cilësoi veprimet e Rusisë si krim lufte. “Ne po e ndjekim atë nga afër,” tha Biden. “Është shumë herët për ta thënë këtë”.
Rusia në mënyrë rutinore mohon të ketë shënjestruar civilët në Ukrainë; megjithatë, mediat ndërkombëtare dhe vëzhguesit kanë dokumentuar gjerësisht viktima civile dhe dëmtime në infrastrukturën civile.
Sipas Komisioneres së Lartë të OKB-së për të Drejtat e Njeriut, Michelle Bachelet, OKB-ja konfirmoi të paktën 752 viktima civile, përfshirë 227 të vrarë, të martën mbrëma. Megjithatë, llogaritë e numrit të viktimave të civilëve kanë ndryshuar shumë ndërmjet autoriteteve dhe agjencive të ndryshme. CNN nuk mund të verifikojë në mënyrë të pavarur numrin e vdekjeve.
Duke folur të enjten, Dzhaparova tha se Rusia e mban veten “mbi ligjin ndërkombëtar dhe mbi rendin e bazuar në rregulla”, por vuri në dukje se Ukraina “po i reziston” agresionit ushtarak rus.
“Koalicioni ynë ndërkombëtar po forcohet çdo ditë”, shtoi ajo. “Në këtë moment të jashtëzakonshëm, ne duhet të qëndrojmë së bashku për të siguruar llogaridhënie.”

Shperndaje artikullin

Postimet e fundit

Më shumë si ky artikull
Të ngjashme

Reagojnë administratorët pas një proteste…(Video)

Nga Shpresa Dine Pas protestës së shitësve të mishit paraditen...

Shitësit e mishit në protestë për mosfunksionimin e thertores (Video)

Nga Shpresa Dine SARANDE/ Shitës të mishit në Sarandë janë...

Pak fjalë për të madhin Thoma Gjonin.(Video)

Nga Shpresa Dine Thomai ka qënë dhe mbetet një nga...

Me mjeshtrin e drurit, atje në Lefterohorin e largët, usta Bili, sot 92 vjeç(Video)

Nga Shpresa Dine Që 16 -vjeç ka njohur vështirësitë e...