Kreu i PD Delvinë, Hari Imeri, përmes një postimi në Facebook bëri me dije ditën e djeshme me anë të një fotoje shoqëruese se tuneli i rrugës “Kardhiq-Delvinë” është shembur.
Pas këtij lajmi se hyrja e tunelit “Delvinë-Kardhiq” ishte shembur ka ardhur dhe reagimi i shoqërisë sipërmarrëse për ndërtimin e këtij tuneli.
“Shoqëria “Gjoka Konstruksion” sh.a në lidhje me lajmin e shembjes së tunelit “Delvinë – Kardhiq” i cili po qarkullon në media sot më datë 10 Dhjetor 2021 njofton opinionin publik se nuk ka shembje të tunelit Kardhiq –Delvinë. Gjithçka e shpërndarë nëpërmjet fotove në media është pjesë rutinore e punës dhe punimet e përfunduara në tunel nuk kanë pësuar asnjë çedim.
Tuneli ka afat kontraktual dorëzimi vitin 2023, por ne sipas avancimeve të punimeve të kryera deri më sot pritet ta dorëzojmë veprën tunelin Kardhiq –Delvinë të përfunduar në Pranverë 2022 të sigurt dhe të hapur për qarkullim.”, sqaron Shoqëria “Gjoka Konstruksion”.
/sarandalife.al/