Sekretari i Përgjithshëm i PD-së, Gazment Bardhi ditën e sotme lexoi emrat e delegatëve që kanë konfirmuar pjesëmarrjen në Kuvendin e 18 dhjetorit, por mes tyre janë përmendur Alban Daci dhe Spiro Vaso.
Ky i fundit bëri një reagim në rrjetet sociale duke përgënjeshtruar Bardhin.
“Sapo dëgjova nga mediat qe Gazmend Bardhi lexoj emrin tim si firmëtar për Kuvendin e datës 18 Dhjetor është një abuzim pasi une kam firmosur vetëm për Kuvendin e 11 Dhjetorit. Kuvendi i vetëm Legjitim i PD. Nesër ju ftoj të gjithëve në Kuvendin e Demokratëve”, shkruan Spiro Vaso.
Pasi mori informacion nga stafi, Gazment Bardhi reagoi LIVE duke kërkuar falje për leximin gabimisht të emrave:
“Më vjen informacioni tani që Alban Daci dhe Spiro Vaso nuk kanë konfirmuar pjesëmarrjen më 18 dhjetor. Është gabimi im, i kam lexuar gabim. Një pjesë të formularëve ndodhen në zyrën time, kush dëshiron ia u bëj transparente”, tha Bardhi.
/sarandalife.al/