Në kuadër të “ Tetorit rozë”, muajit të depistimit për kapjen e menjëhershme të Kancerit të Gjirit, Njësia Vendore e Kujdesit Shëndetësor Delvinë ka organizuar një sërë veprimtarish për rritjen dhe ndërgjegjësimin e sa më shumë grave për diagnostikimin e hershëm të kancerit të gjirit. Të organizuara nga institucioni me një grup grash, udhëtuan drejt spitalit të Gjirokastrës për të kryer mamografinë. Me me lulen rozë në duar,me dëshirën e madhe për të jetuar ato përcollën mesazhe kuptim plot për jetën. Sepse jeta është e bukur si një lule, ndaj duhet luftuar për ta patur dhe jetuar atë. Të bashkohemi në luftën kundër kancerit të gjirit! Njësia Vendore e Kujdesit Shëndetësor Delvinë fton të gjitha gratë të kryejnë kontrollin e gjirit. Mamografia dhe eko e gjirit ofrohet falas! Kontaktoni me mjekun tuaj të familjes! Mos harroni!! Kanceri I gjirit kurohet! Mjafton të diagnostikohet në kohë.
/sarandalife.al/
