Në kuadër të tetorit, Muajit të Letërsisë në shkollën 9 vjecare të Mesoptamit kanë nisur veprimtari të ndryshme në qendër të të cilave janë ese, skica, pjesë nga legjenda e tregime,prozë poetike etj.
Përmes këtyre veprimtarive nxënësit do të përforcojnë me tej rëndësinë e të lexuarit në jetën e përditëshme. Për veprimtarinë në kuadër të Muajit të Letërsisë në shkollën e Mesopotamit e shkruan me detaje në statusin e tij në FB, mësuesi i kësaj shkolle, Panajot Boli.
“Ethet” e muajit të letërsisë kanë kohë që “zunë” shkollën e Mesopotamit.Sot ishte aktiviteti i parë. U shpall pas një konkurimi ambicioz “Lexuesi më i mirë i shkollës” në aspektin e aktrimit.Pjesët e lexuara me emocione si ese, skica, pjesë nga legjenda e tregime,prozë poetike, nxorrën në pah mjaft nxënës të talentuar në mënyrën e aktrimit. E veçanta e këtij aktiviteti ishte juria e nxënësve, e cila vlerësoi me nivel cilësor konkuruesit, shokët dhe shoqet e tyre.
Takimi u ndoq me mjaft interes dhe me emocione të forta. Këshilli Artistik i shkollës ka planifikuar edhe dy veprimtari, në kuadër të këtij muaji: takim me dy shkrimtarë dhe konkurimi i fjalës artistike, të cilat do të realizohen në dy javët në vijim. Risia e punës me talentet e reja në këtë shkollë është përgatitja dhe botimi i një almanaku të krijuesve të shkollës deri në përfundim të vitit shkollor me titull “Mirëdita Mesopotam, shkolla ime”.
Që tani ka filluar të dorëzohen pranë Këshillit Artistik krijimet e para të nxënësve me prirrje, ku në vazhdim do të bëhet përzgjedhja, redaktimi dhe botimi. Nxënësit krijues po tregohen entuaziastë për këtë nismë, gjë që do të rritë përvojën e kësaj shkolle për të përgatitur talente në fushën e letërsisë”