Shtrëngim duarsh Mitsotaki-Erdogan në Samitin e NATO-s

Kryeministri Kyriakos Mitsotakis u takua me Recep Tayyip Erdogan në samitin e NATO-s mbi zhvillimet në Ukrainë. Dy liderët janë takuar, siç tregojnë edhe pamjet e fotove, në foton familjare të drejtuesve dhe kanë shkëmbyer shtrëngime duarsh.Tashmë, takimi i tyre i fundit ishte 10 ditë më parë në Stamboll, në një darkë informale që presidenti turk i shtroi kryeministrit. Gjatë takimit u hodhën themelet për një “axhendë pozitive” Athinë-Ankara, ndërsa u ra dakord që të ruhen kanalet e hapura të komunikimit. Megjithatë, si gjatë deklaratave të tij në Samit ashtu edhe gjatë punimeve, z. Mitsotakis bëri thirrje për zbatimin uniform të sanksioneve ndaj Rusisë nga të gjitha vendet anëtare. Fraza e tij interpretohet si një aluzion për Ankaranë, e cila mban një qëndrim neutral dhe abstenon nga vendimet perëndimore.