Bluza jeshile e Zelensky befason për ditë e më shumë. Rritet numri i shitjeve në amazon, eBay

Bluza jeshile me të cilën shfaqet Volodymyr Zelensky në mesazhet e tij të filmuara nga Kievi i -rrethuar- po befason. Kjo është një bluzë me mëngë të shkurtra, e cila mban distinktivin e Forcave të Armatosura të Ukrainës . Siç ka shpjeguar edhe vetë ai, ka zgjedhur të veshë këtë bluzë, për nder të ushtarëve ukrainas të rënë gjatë gjithë këtyre ditëve në betejat me Rusinë. Padashur, natyrisht, Zelensky ka krijuar një modë të re, pasi gjithnjë e më shumë njerëz nga e gjithë bota nxitojnë të marrin këtë bluzë. Si rezultat, sipas US Newsweek, ajo është bërë një hit në platformat e shitjeve në internet si Amazon, eBay dhe Etsy. Fama e tij u rrit veçanërisht pas fjalimeve të fundit të presidentit ukrainas në Kongresin Amerikan, Parlamentin Kanadez, si dhe Parlamentin Evropian, ku ai veshi bluzën jeshile me mëngë të shkurtra. dënoi pushtimin rus dhe i bëri thirrje komunitetit botëror të mbështesë Ukrainën. Në platformën e shitjeve Etsy , kompania WanderDogSwag ka këto bluza, duke pretenduar se 50% e parave do të jepen për të mbështetur Kievin. Shitjet e produktit filluan javën e kaluar dhe tashmë janë mbledhur fitime me vlerë 3000 dollarë. Kjo do të thotë se 1500 do të dërgohen në Ukrainë.
Shumica e blerësve, duket se janë amerikanë, të cilët duan të shprehin mbështetjen e tyre për Ukrainën. Sigurisht, ditët e fundit shitjet janë në rritje në të gjithë botën. Polonia, Republika Çeke, Sllovakia, Singapori, Australia, Mbretëria e Bashkuar dhe Portugalia janë disa nga vendet e origjinës së klientëve.