Nga Vldimir Kodhelaj
Në vitet 1902 – 1908 patriotët delvinjotë u kërkonin shesh herë autoriteteve osmane për të hapur një shkollë shqipe në Delvinë. Madje ata, ilegalisht, më 1906-1908 e hapën atë. Në këto vite funksiononte një shkollë e fshehtë, ku mësonin shkrim dhe këndim në gjuhën amtare 20 vetë. Po kështu fshehurazi shpërndanin tekstet shkollore në gjuhën shqipe, që botoheshin jashtë atdheut nga shoqëritë patriotike. Shkolla shqipe legale u hap më 20 mars 1909. Ishte e para shkollë shqipe në rrethin e Sarandës e çelur në kushtet e sundimit osman. U mbyll nga turqit e rrinj më 1 gusht të atij viti, për t`u çelur përsëri më 1912, ku u lejua të jepej vetëm gjuha shqipe si lëndë e veçantë. Mësuesit e parë të saj ishin Namik Delvina dhe Xhafo Poshi, të cilët, të mbështetur nga populli arsimdashës dhe mërgimtarët patriotë, përballuan dhe bazën materiale të nevojshme.
Nga Vladimir Kodhelaj
09 Janar 2022
