Promovimi i librit “Qytetit të lindjes-SARANDA” me autor djalin sarandiot, Prof. dr. Josif Papagjoni ishte veprimtaria e paradites së sotme që mblodhi bashkë intelektualë të spikatur në fusha të ndryshme të qytetit.
Merrnin pjesë njëherësh edhe deputetja e PS për rajonin e jugut, Anila Denaj,kryetari i bashkisë, Adrian Gurma si dhe kandidati i PS për bashkinë e Sarandës, Oltion Çaçi.
Promovimi ishte realizuar bukur edhe artistikisht. Moderatorēt, regjisori dhe aktori Vangjel Agora dhe gazetari Ermir Hoxha sollën pjesë të zbërthyera nga libri duke u përcjellë bukur edhe me përshtypjet e sjella nga personazhe të gjalla të librit.
Kryebashkiaku Adrian Gurma uroi autorin e librit Josif Papagjoni për atë çfarë përcjell ai nëpërmjet faqeve të librit “Qytetit të lindjes-SARANDA”. Një falënderim përcolli për pjesëmarrësit edhe vetë autori Josif Papagjoni.