Starton sot si në gjithë vendin edhe në Sarandë viti i ri akademik. Studentët i janë rikthyer auditorit pas një shkëputjeje të gjatë, për shkak të situatës së koronavirusit.
Tashmë studentët i thonë “lamtumirë”mësimit online, ndërkohë që kusht për rikthimin në auditor është vaksinimi kundër Covid-19. Në UT, filiali Sarandë deri tani janë regjistruar 250 studentë ndërsa ka edhe një tjetër raund, sipas drejtorit Dhonat Kote, për regjistrime. Gjeografia e studentëve është nga gjithë vendi, ndërsa vihet re frekuentim i mirë edhe nga rajoni i Sarandës. Pegagogët dhe administrata e Filialit Sarandë janë tërësisht të vaksinuar, ndërsa studentët 90 për qind e tyre. Në Filialin Sarandë ka degë Ekonomik, Gjuhë e Huaj -Anglisht dhe Master.
Pragu i mesatares për tu pranuar në Universitet për degën Anglisht është 8.5, për Administrim Biznes mbi 7. Sot është afati i fundit i aplikimit për Master. Për pranime të tjera pritet faza e tretë si për Administrim Biznes, ashtu dhe për Gjuhën Angleze. Raundi i katërt është në varësi të kërkesave. Nga analiza që është bërë për turizmin për të zgjatur shtrirjen e tij në kohë, u theksua si nevojë e domosdoshme e realizimit të guidave turistike. Është propozuar që Universiteti i Sarandës të bëhet me një degë të re Master Profesional, Përkthim në Gjuhë të Huaj.
/sarandalife.al/
