Matilda Qurku, sekretarja e PD dega Sarandë me anë të një postimi në Facebook ka lajmëruar se është pushuar nga puna pa pasur një njoftim zyrtar.
Reagim ka pasur edhe nga ana e PD dega Sarandë, ku thuhet se Matilda Qurku ka dhënë dorëheqjen më 14 maj 2021.
Bujar Nishani gjithashtu ka komentuar lidhur me këtë lajm.
“Kush janë këta që shkarkojnë Sekretaren e Degës së Sarandës, pa asnjë arsye, pa kurrfarë legjitimiteti statutor, pa kurrfarë gjykimi, dëgjimi, shqyrtimi e vendimi të Kryesisë.
Ju them unë se kush jeni ju.
Jeni ca banditë ordinerë !
Mjeranë vulgarë që nuk keni as konceptet e turpit, moralit, formatit të ekzistencës së një humani.
Ju nuk keni asnjë element ku të krahasoheni me një zonjë të nderuar që i jep dinjitet familjes së saj, qytetit të Sarandës, Partisë Demokratike, vetë kësaj shoqërie.
Por unë po ju nënvizoj veç një element dallues tuajin me të.
MORALIN !
I saji shkëlqen, juaji kutërbon !
Demokratët do ta ringrenë Partinë Demokratike, sepse do të shpëtojnë Shqipërinë !”, shprehet Bujar Nishani.
/sarandalife.al/