Me njē platformë në formë katrore dhe me përmasa të mëdha e ndërtuar me bova lëvizëse, e hedhur në det, përballë plazhit Rinia, janë përballur mëngjesin e sotëm qytetarët në Sarandë. Askush nga autoritete e portit nuk kishte dijeni. Realiteti i bërë tashmë vuri në lëvizje institucionet nga bashkia, policia e kufirit dhe ajo e rendit.
Mësohet se qytetari, pronë e të cilit është kjo platformë është shoqëruar në Komisariatin e Policisë. Ndërkohë që Damian Xhemali ka një miratim kërkese nga Kapiteneria e Portit Sarandë me firmë të Fotin Kona, kapiten i Portit Sarandë.
Sipas dokumentit qytetari Damian Xhaferi do ta përdorë platformën si kënd lojërash e vendosur në pranë bregdetit duke mos penguar lëvizjen e mjeteve lundruese. Burime jo zyrtare e quajnë hedhjen e platformës në det pa leje.
