Në sallën e Komitetit të Veteranëve dhe e pasardhësve të tyre, u përkujtua 7 prilli i vitit 1939, pushtimi i shqipërisë dhe i Sarandës nga fashistët italianë. Takimin e hapi Kryetarja e Komitetit të Veteranëve dhe e pasardhësve të tyre, znj Neriman Gjivogli e cila ja dha fjalën sekretarit të këtij komiteti z. Anastas Gurma. 
Në ligjëratën e tij z. Anastas, u përqëndrua në këto çështje: 1- Shqipëria në planet e pushtuesve italianë 2- Ndryshimet në të gjitha sektorët e shoqërisë shqiptare dhe vendosja e rregjimit të pushtimit 3- Rezistenca e popullit shqiptar dhe atij në sarandë ditët e pushtimit, 4-Ç’ndodhi me ushtrinë italiane pas kapitullimit?.
Për këtë të fundit ai u ndal në masakrën naziste të mbi 120 kuadrove të lartë ushtarak italian që u pushkatuan në Limion në fund të shtatorit të v. 1943 si dhe mbështetja që populli ynë ju dha ushtarëve italianë që qëndruan në shqipëri , si dhe mobilizimi i tyre në reparte të armatosura kundër gjermanëve siç ishte krijimi i batalionit partizan “Matteotti”me 80 ushtarë italianë në fillim dhe më vonë numuri i tyre shkoi në 150. 
