Ka nisur në Himarë dhe Palasë afishimi publik i pronave. Bëhet fjalë për rreth 2000 prona në Himarë dhe rreth 1200 prona në Palasë. Kreu i Kadastrës, Artan Lame ka prezantuar nga Himara nisjen e këtij procesi.
Aktualisht ka përfunduar verifikimi i pronave në terren në Himarë qytet dhe Palasë. Afishimi publik i pronave u jep qytetarëve të drejtë që në një hapësirë kohore prej 45 ditësh të verifikojnë pronat e tyre dhe të drejtohen për cdo paqartësi apo problematikë gjatë kësaj hapësirë kohore 45 ditë të paraqesin edhe problemet që mund të kenë ndërsa më pas nis shpërndarja e certifikatave të pronësisë.
Njëkohësisht nga Himara kreu i Kadastrës, Artan Lame ka konfirmuar dhe nisur shpërndarjen e certifikatave të pronësisë për znën e Lukovës ndërsa bëhet fjalë për 1234 pronësi në zonën e Lukovës.
Kreu i bashkisë Himarë, Jorgo Goro e ka cilësuar një proces të rëndësishëm duke besuar tashmë se së shpejti në certifikatat e pronësisë edhe në Himarë e Palasë por edhe në zonat e tjera në bregdet.
Pasuritë në këto zona, kryesisht në Himarë e Palasë janë të ndryshme, me prioritet turistik por edhe toka bujqësore apo prona të tjera ndërsa në mars pritet shpërndarja e certifikatave të para të pronësisë për Himarën dhe Palasën.
