- Advertisement -
Forcat xheniere kanë mbërritur sot në Vanë të Delvinës për të çmontuar urën e shembur prej 44 ditësh.Prefekti i Qarkut Vlorë, Flamur Mamaj pohon se ndërhyrja është e vonuar, ndërkohë që çmontimi i urës së shembur dhe montimi i urës së re sipas protokollit do të zgjasë 20 ditë.
Kryetarja e bashkisë së Delvinës, Majlinda Qilimi thotë se gjatë kësaj kohe do të jepet zgjidhje me urën provizore. Në rast intensifikimi të rreshjeve të shiut banorët e fshatit do të detyrohen të kalojnë përmes një tjetër fshati.
Gjatë një muaji e gjysëm banorët e Vanës janë detyruar të kalojnë mes për mes lumit të Kalasës ose duke u kacavjerrë mbi urën e shembur, duke rrezikuar jetën dhe duke shënuar incidente.
