U nda sot nga jeta, qytetari sarandiot Mynir Xhaferi. Pas një operacioni disi të vështirë dhe një komplikacioni në zemër Myniri është larguar nga kjo jetë paraditen e sotme në Tiranë. Ai lindi në qytetin e Gjirokastrës në vitin 1954 dhe po atje kreu studimet në arsimin 7- vjeçar. Më pas ai do të vazhdonte studimet në arsimin e mesëm në Politeknikumin e naftës në Kuçovë në vitin 1973. Me përfundimin e Politeknikimit nisi punë në Ndërmarjen Shpim – Kërkimit të Naftës në Sarandë deri sa doli në pension. Ai dallohej për korrektësi dhe devotshmëri në punë. Skenat e koncerteve do të prekeshin shumë herë nga Myniri, pasi ai ishte dhe një dashamirës i këngës polifonike. Ai ishte një familjar i denjë dhe prind shembullor. Në vitet e fundit ai jetonte dhe punonte në Tiranë pranë fëmijëve të tij, Krenarit, oficer madhor i ushtrisë shqiptare dhe Oltës me profesion ekonomiste. Myniri ishte dhe një komshi e lagjar i mirë, tepër korrekt dhe i sinqertë. Familja, të afërmit humbën njeriun e tyre të dashur, kurse shokët dhe miqtë e tij njeriun që do t’ju mungojë.
sarandalife.al i shpreh familjes ngushëllimet më të sinqerta.
I paharrur kujtimi i Mynirit !
- Advertisement -