Edhe Mexhid Mehmeti poeti dhe shkrimtari nga Presheva, që kohët e fundit banon në Prishtinë, ishte pjesëmarrës në Manifestimin poetik ndërkombëtar “Trirema e Poezisë Joniane” edicioni XV. Krijimtaria e tij letrare ka një gamë të gjerë artistike, ku përfshihen, poezi, prozë,tregime, novela, romane, drama. Ndërkohë që vitet e fundit në krijimtarinë e tij kanë zënë vënd edhe krijimet për fëmijë, duke qënë mjaft i suksesshëm me 10 romane. Për Maxhidin dashuria e parë ka qenë poezia për të rritur, ku në 1965 botoi poezinë e parë, ndërsa në 1977 librin e tij të parë për të vazhduar më vonë me botimin e librave ” Frymëmarje”, “Lumja”. Në krijimtarinë e Mexhid Mehmetit përfshihen 8 përmbledhje me poezi, katër drama,shtatë romane për të rritur, dy për fëmijë, njëri tre vëllimesh, kurse tjetri shtatë vëllimesh, “Ecejaket e Hero Lindit”, i pari i këtij lloji në Kosovë në letërsinë për fëmijë, i cili është pritur shumë mire nga kjo grupmoshë dhe nga shoqata e shkrimtarëve të Kosovës u shpall libri më i mirë i vitit. Mexhid Mehmeti përveç medaljeve që ka marë nga institucione të ndryshme ai veçon vlerësimin nga – ish Presidenti i Kosovës Hashim Thaçi “Medalja Presidenciale për merita në fushën e letërsisë” dhe vlerësimi nga – ish Presidenti Bujar Nishani me titullin “Naim Frashëri”.
