“Sapo mbërritën 117,000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda vitit.
2,379,960 Vaksina kanë mbërritur deri tani, për të vijuar vaksinimin anticovid, për mbrojtjen e jetës dhe shëndetit të qytetarëve.
Jemi të vendosur të garantojmë vaksinat falas për çdo qytetar, deri në fund të përballjes me pandeminë.” ka bërë të ditur Ministrja e Shëndetësisë, Ogerta Manastirliu me anë të një postimi në Facebook.
Ndërkohë vijon vaksinimi masiv në pikat e përqëndruara te vaksinimit, në qendrat shëndetësore, poliklinika si dhe nëpërmjet njësive të lëvizshme në komunitet në kuadër të aksionit kombëtar ” Derë më derë”.
Prej fillimit të vaksinimit janë kryer në total 1,836,856 doza të vaksinës ndaj COVID19. Prej tyre 857,201 qytetarë i kanë kryer të dy dozat e vaksinës antiCOVID. Ditën e dielë, datë 17 tetor, janë kryer 2086 vaksinime në të gjithë vendin.
Vaksinimi është i hapur dhe të gjithë qytetarët mbi 18-vjeç mund të paraqiten me kartën e identitetit në qendrën e tyre shëndetësore, në poliklinika ose në qendrën më të afërt të vaksinimit, çdo ditë, nga 08:00-20:00, për të kryer vaksinën antiCOVID.
Deri tani kanë mbërritur në vendin tonë 2,262,960 vaksina antiCOVID.
/sarandalife.al/
