Kryeministri Edi Rama i ka kushtuar sot një status të shoqëruar edhe me një video inspektimit të ditëve të fundit të ministres së Turizmit dhe Mjedisit, Mirela Kumbaro në Syrin e Kaltër. “Syri i Kaltër – Ku intensivisht po zbatohet projekti i rikualifikimit infrastrukturor, përmes një investimi të Ministrisë së Turizmit dhe Mjedisit, duke nisur nga parkimi, rruga, korsitë e biçikletave, deri te pikat panoramike, si dhe treni i vogël për vizitorët. Në ditët në vijim Syri i Kaltër do të marrë statusin #ParkNatyror dhe sipërfaqja e zonës së mbrojtur do të zgjerohet në rreth 290 ha, si pjesë e vizionit tonë për të ruajtur e kthyer në burim ekonomie të gjelbër perlat e Shqipërisë”, shkruan kryeministri Rama.