Këtë të shtunë në vigjilje të Pashkës Katolike kryebashkiaku Adrian Gurma ka uruar sot motrat tek Qendra Sociale “Marcelina” për Pashkët Katolike.Kryebashkiaku ka vlerësuar ambjentet e kësaj qendre duke i cilësuar “… modeli i një pune të admirueshme që bëhet këtu për të realizuar edukim cilësor me fëmijë të moshës parashkollore”.-Në vigjilie të Pashkës Katolike, kisha kënaqësinë të vizitoja Qendrën Sociale “Marcelina” për të takuar dhe uruar Motër Daniela Silvestrini dhe antarët e tjerë të qendrës. Ambientet e ngrohta të Qendrës “Marcelina”,janë modeli i një pune të admirueshme që bëhet këtu për të realizuar edukim cilësor me fëmijë të moshës parashkollore. Si dëshmi të punës që bëjnë Motrat italiane dhe një staf i tërë, na treguan objekte interesante realizuar me materiale të ricikluara, veshje karakteristike për vajza e djem, laboratorin e materialeve që përdoren në festa, sallën multimediale, 🪴mbjelljet nga vetë fëmijët, bibliotekën e pasur etjI falenderova Motrat e Qendrës “Marcelina” për punën e veçantë e plot dashuri që bëjnë, dhe shpreha mbështetjen e plotë personale dhe institucionale për ta zhvilluar këtë mision altruist përpara, shkruan kryebashkiaku Gurma në statusin e tij në rrjetet sociale.