Dhivri, sot në juridiksion të bashkisë Finiq, ështē fshati që ka pësuar ndryshime cilësore, kryesisht nëpër banesa, ndryshime këto që banorët i kanë realizuar pas viteve ‘90 ku shumica prej tyre kanë emigruar drejt Greqisë. Sot kemi një fshat të gjelbëruar me tërë ngjyrat e natyrës edhe pse është malor. Por për dhivriotët nuk mund të harrohet ai nëntor i vitit 1975 kur ai tërmet i papritur shkatërroi shumë shtëpi dhe la shumë banorë pa strehë. Ish mësuesi Vasil Pando nga Dhivri, kujton me detaje ato momente tmerri, ku toka dridhej e mali u ça e nga ku gurët rrokulliseshin poshtë pa u kuptuar se ku mund ta pengonin vrapin e tyre. U urdhërua nga qeveria e asaj kohe që dëmet e shkaktuara nga tërmeti dhe shtëpitë e shkatërruara të ndërtoheshin brenda një kohe të shkuartër që dimri të mos i gjente jashtë, vijon të tregojë mësuesi duke treguar njëherësh edhe pse lagjia më e re e fshatit u quajt Vullnetari.
