Matilda Qurku ka lajmëruar ditën e djeshme se ditën e shtunë,në datën 18 dhjetor 2021,nga ora 08:00 deri në 17:00,në selinë e degës Sarandë do të bëhet zhvillohet Referendumi për ratifikimin e Vendimit Nr.6 të Komisionit të Rithemelimit të PD i datës 11.12.2021 për shkarkimin e Lulzim Bashës.
Por pas këtij njoftimi ka reaguar Partia Demokratike Sarandë duke e përgënjeshtruar njoftimin e bërë nga Qurku dhe duke e akuzuar si mashtruese dhe shprehen se i vetmi Referendum që do të bëhet në 18 dhjetor është Kuvendi Kombëtar i PD në Pallatin e Kongreseve.
Matilda Qurku ka replikuar sërish duke u shprehur se ajo vazhdon të jetë sekretare e degës së PD Sarandë pasi nuk ka një njoftim zyrtar për pushimin e saj nga puna.
Ndërsa Partia Demokratike Sarandë shprehet se Qurku ka dhënë dorëheqjen vetë.
Nuk ka munguar “debati” dhe nga komentues e demokratë të tjerë ndër të cilat kërkohej identifikimi i personit që po e menaxhon aktualisht faqen e FAcebook të Partia Demokratike Sarandë. Disa hedhin hije dyshimi e disa janë të bindur se kjo faqe administrohet nga deputetja e zonës Ina Zhupa.
/sarandalife.al/