Ministri i Brendshëm Bledi Çuçi u bëri thirrje sot qytetarëve që të verifikojnë adresën e saktë të banimit, pasi në të kundërt nuk do të kenë akses në shërbimet publike.
“Regjistrimi i adresës së banimit sjell përfitime dhe akses në shërbimet publike. Vetë-deklaroni adresën e saktë në “eAlbania” ose në zyrat e Gjendjes Civile pranë bashkive ku banoni. Regjistri Kombëtar i Adresave do të jetë burimi i vetëm i saktë dhe i përditësuar për të gjithë shtetasit, institucionet publike dhe bizneset” tha ai.
Por si mund të aplikojë një qytetar nga shtëpia përmes telefonit për regjistrimin e adresës së saktë? Zyrtarët e ministrisë së Brendshme gjatë aktivitetit që u zhvillua sot shpjeguan hap pas hapi si mund të bëhet nga shtëpia përmes e-Albania-s. saktësimi, verifikimi apo regjistrimi i adresës së saktë.
1.Hyr në e-Albania;
2. Identifikohu si qytetar;
3.Kërko shërbimin aplikimin për ndryshim apo saktësim vendbanimi;
4.Kiliko te “Lexo më shumë për të mësuar të gjitha hapat”;
5.Kliko butonin përdor;
6.Shko te krijoi aplikim të ri (kërkohet plotësimi i elementëve të adresës);
7.Nëse nuk e di adresën kliko te linku i regjistrit të adresave, të hapet harta për të bërë identifikimin automatikisht;
8.Plotësoni fushat një nga një;
9.Ngarkohet dokumenti që vërteton pronësinë;
10.Kliko butonin apliko;
11.Nga dy moment bëhet verifikimi dhe brenda 24 orëve ju vjen mesazhi te e-Albania;
12.Mund të shkarkoni certifikatën për të verifikuar adresën.
/sarandalife.al/
