Greqia në zi kombëtare, Fofi Gennimata përcillet për në banesën e fundit

- Advertisement -

Shteti grek ka shpallur sot, ditë zie kombëtare, në nder të lideres socialiste, Fofi Gennimata, e cila u nda nga jeta ditën e hënë (25 tetor).

Sot populli grek do t’i japë lamtumirën e fundit politikanes 57-vjeçare, e cila për fat të keq humbi betejën  shumëvjeçare me kancerin.

Familja e kryetares së “KINAL”, kolegë, miq, politikanë por edhe qytetarë të thjeshtë do të marrin pjesë në ceremoninë mortore për Fofi Gennimata, për ta shoqëruar atë në banesën e fundit.

Flamujt janë valëvitur në gjysmështizë në të gjitha institucionet shtetërore, ndërsa e njëjta gjë vlen edhe për Ambasadat Greke në mbarë botën, në shenjë nderi për të ndjerën, shkruan CNN grek.

Trupi i pajetë i lideres socialiste do të  ekspozohet në një pelegrinazh popullor në Katedralen e Athinës nga ora 10:00 e mëngjesit për t’u dhënë mundësinë qytetarëve të thjeshtë që e deshën dhe e vlerësuan për t’i dhënë lamtumirën për herë të fundit.

Fofi Gennimata ka lindur më Athinë, në vitin 1964, dhe 57-vjeçarja është e bija e anëtarit themelues të partisë PASOK, Jorgos Gennimatas.

Lëvizja për Ndryshim ( KINAL) është  parti e majtë politike.

Themeluar në mars të 2018-ës nga Fofi Gennimata, është një koalicion partish, në të cilin ndër të tjera PASOK dhe Lëvizja Socialdemokrate.

Në Korrik të vitit 2017 kryetarja aso kohe e PASOK, Fofi Gennimata, nga foltorja e kongresit të Aleancës Demokratike, paralajmëroi krijimin e një partie të re të unifikuar të qendrës së majtë në Greqi para fundit të vitit.

/sarandalife.al/

https://youtu.be/qSW9z4Ut3e0

Shperndaje artikullin

Postimet e fundit

Më shumë si ky artikull
Të ngjashme

Reagojnë administratorët pas një proteste…(Video)

Nga Shpresa Dine Pas protestës së shitësve të mishit paraditen...

Shitësit e mishit në protestë për mosfunksionimin e thertores (Video)

Nga Shpresa Dine SARANDE/ Shitës të mishit në Sarandë janë...

Pak fjalë për të madhin Thoma Gjonin.(Video)

Nga Shpresa Dine Thomai ka qënë dhe mbetet një nga...

Me mjeshtrin e drurit, atje në Lefterohorin e largët, usta Bili, sot 92 vjeç(Video)

Nga Shpresa Dine Që 16 -vjeç ka njohur vështirësitë e...