Një incident i përgjakshëm me të shtëna me armë zjarri dhe një të vdekur, por edhe një të plagosur, ka ndodhur mbrëmjen e së martës në Nice , jashtë një karburanti në 181 Avenue Thebes.
Mësohet se autorë të panjohur kanë qëlluar dhe kanë vrarë një burrë në vend, ndërsa kanë plagosur një tjetër, i cili është dërguar në spital. Pak më vonë, makina e autorëve “BMW” dhe me gjasë e vjedhur, me të cilën kanë ikur, është gjetur e djegur në Avenue Kifissos. Dy viktimat e sulmit janë pronarë të pikës së karburantit, me origjinë shqiptare.
Viktima është Marius Spiro Dhiamandi, 37-vjeç, nga Delvina dhe ishte pronar i karburantit. Ndërsa i plagosuri është Juxhin Barjami, kushëriri i parë i viktimës. Viktima ka qenë i arrestuar më parë për një sasi kokaine që ju gjet në makinë. I arrestuar edhe për vrasje të ndodhur në Kipseli, Athinë në shkurt 2010. Rezulton me “detyrim paraqitjeje” në Mykono. Dyshohet se i ka borxh disa personave 200.000 euro gjithashtu. Gruaja e tij rezulton pronare zyrtare e karburantit dhe është shtatzënë me binjakë.
/sarandalife.al/
