I shkurtër 1 e 50, I thellë 2 e 50, i lartë 3 e 50. Këto janë tri përmasat reale të Gjino Xuxit. E para, e gjatësisë së shtatit, e dyta, për thellësinë e mendimit, e treta për lartësin e karakterit. Ka qenë i rreptë si mësues. Të jepte hakun. Ushqente dashuri për librin dhe mësimin. Jepte njohuri të sakta. Pa ujëra të tepërta. Nga mënyra si vishej dhe si mbahej, të jepte edhe mësime për kukturën qytetare. Jashtë mësimit e jashtë mureve të shkollës, në Bajkaj e mbanin si etalonin e drejtësisë e të paanësisë. I drejtë e i prerë mbahet mend Gjinua kur ishte në këshillin e fshatit. Ai ishte vetë e vërteta dhe e drejta, njësoj si pallati që jepte drejtësi. Nga emri dhe nga shtati i vogël, ta çonte mendimin te Gjinua i komedisë së Çajupit, te Gjinua 14 vjeç dhëndërr. Por Gjino Xuxi ishte për njerëzit Njeriu flori 14 karat.
1. Sarandalife.al shpreh nderimin dhe respektin për mësuesin Gjino Xuxi, duke i uruar shëndet dhe jetë të gjatë.
