Më 28 tetor mbushen plot 3 vite nga ekzekutimi i ekstremistit grek Kostandin Kacifas në Bularat. Në fshat është mbajtur sot një ceremoni përkujtimore në nder të tij me familjarë dhe të afërm të Kacifasit, i cili tentoi të qëllonte ndaj policisë shqiptare. Familjarët mbajtën një meshë në kishën e fshatit dhe më pas u drejtuan në varreza. Në një video të siguruar nga “FaxNews” mamaja e Kacifas dëgjohet duke thënë: “je një yll në qiell”, dhe “gjithë grekët janë në zi sot”.
Kujtojmë se Kacifas qëlloi me breshëri kallashnikovi me armë efektivët e Reneas, të cilët e rrethuan në një kodrinë, në afërsi të fshatit. Ngjarja ka ndodhur në ditën e Festës Kombëtare të Greqisë.
Ai ishte i veshur me rrobat e ushtrisë greke dhe gjatë gjithë kohës bënte thirrje nacionaliste. Për neutralizimin e Kacifas u kërkua ndërhyrja e forcave RENEA. Në atë kohë thuhej se ai u ekzekutua nga forcat RENEA pasi refuzonte të dorëzohej dhe madje kishte guxuar të qëllonte dhe ndaj tyre.
Mirëpo pas 3 vitesh, Prokuroria e Gjirokastrës ka përfunduar hetimet, duke dalë në përfundimin se 35-vjeçari kreu vetëvrasje. Sipas Prokurorisë, veprimet e RENEA-s ishin korrekte gjatë aksionit për kapjen e tij dhe se minoritari grek kreu vetëvrasje.
Por Gjykata e Gjirokastrës nuk ka pranuar kërkesën e Prokurorisë për pushimin e hetimeve për vdekjen e Kostandin Katsifas. Përmes një njoftimi Gjykata bën me dije se ka vendosur kthimin e çështjes duke urdhëruar kryerjen e disa veprimeve të tjera hetimore sipas parashikimeve ligjore.
/FaxWeb/
Familjarët mblidhen për 3-vjetorin e vdekjes së Kacifas, nëna: “Je një yll në qiell”
- Advertisement -
