Në kuadër të Muajit të Letërsisë gjimnazi “Hasan Tahsini”, organizoi veprimtari në qendër të të cilit ishin krijime të krijuesve sarandiotë e më gjërë. Në këtë veprimtari merrnin pjesë nxënës e mësues, nga drejtoria e shkollës, si dhe përgjegjësja në detyrë e Zyrës Arsimore, Majlinda Mavro. Merrte pjesë gjithashtu edhe deputetja e PS, për Sarandën, Anila Denaj. Në fjalën e saj deputetja Denaj falënderoi nxënësit dhe mësuesit që realizuan këtë veprimtari. Njëherësh deputetja Anila Denaj falënderoi edhe për rezultatet e arritura nga kjo shkollë, duke e renditur atë në shkollën më të mirë në Sarandë, por jo vetëm. Ish – mësuesja Miranda Birjani foli për traditën e kësaj shkolle për dashurinë ndaj librit. Mandej nxënësit gjimnazistë interpretuan me ndjenjë poezi të ndryshme. Emocionues ishte dhe interpretimi i kuartetit të violinave të QK të fëmijëve dhe në veçanti interpretimi nga mjeshtri i vogël, Martin Xuxi. Veprimtaria pati suprizë të këndshme, momentin kur deputetja Anila Denaj, deklamoi me ndjenjë një pjesë nga Ismail Kadare të titulluar “Në parkun që mbuluan fletët” e që mori duartrokitje nga të pranishmit.
/sarandalife.al/