Ekipi i Tiranës fitues i Festivalit Mbarëkombëtar të Shahut Saranda 21

Nga data 2 deri në 10 tetor në Sarandë u zhvillua në Sarandë Festivali Mbarëkombëtar i Shahut Saranda 21. Pas përfundimit të këtij Festivali ditën e diel u shpall ekipi fitues. Kampion u shpall ekipi i Tiranës. Ky ekip cilësohet mjaft i fortë pasi në përbërje të tij ka 3 lojtarë të ekipit Kombëtar. Pjesëmarrës në Festivalin Mbarëkombëtar të Shahut Saranda 21 ishin 14 ekipe: 9 ekipe nga Shqipëria, ndër të cilët 2 nga Saranda, 3 ekipe nga Kosova, si dhe 2 ekipe nga Maqedonia e Veriut. Festivali Mbarëkombëtar i Shahut nga 2-10 tetor në Sarandë dëshmoi për nivelet ku ka arritur ky sport në hapësirën shqiptare dhe për ardhmërinë e tij.