Një ngjarje e rëndë ka ndodhur në Greqi teksa një prift në Chania raportohet të ketë përdhunuar një 34 vjeçare dhe më pas ka detyruar edhe një djalë të mitur të kryente marrëdhënie me të.
Sipas mediave greke prifti e ka detyruar adoleshentin të kryejë marrëdhënie me 34 vjeçaren në prani të tij. Gruaja, me origjinë nga Polonia, tha se një prift 47-vjeçar kishte abuzuar më të. Sipas dëshmisë së gruas, rreth 8 muaj më parë, ai e kishte dhunuar por nuk e kishte denoncuar.
Duke hetuar rastin, autoritetet policore filluan të zbardhin çështjen. 47-vjeçari i akuzuar për përdhunimin e 34-vjeçares është një ish-prift në prefekturën e Chanias, i cili është shkarkuar nga puna. Ish-prifti dyshohet se kishte lidhje me gruan dhe pasi u ndanë, tetë muaj më parë, ai e ftoi atë në një vend për të zgjidhur mosmarrëveshjet midis tyre.
Kur 34 vjeçarja shkoi në vendin që i kishte thënë, 47-vjeçari e mbylli me kyç dhe më pas thirri dikë tjetër, i cili me urdhër të priftit e përdhunoi. Nga hetimi i autoriteteve së Chanias, i mituri që dyshohet se e ka dhunuar është identifikuar menjëherë nga policia. Bëhet fjalë për një rom 17-vjeçar.
/sarandalife.al/