Çmimet e kripura në Ksamil, ministrja Kumbaro thirrje bizneseve: Jini transparent me turistët

- Advertisement -

Ministrja e Turizmit dhe Mjedisit Mirela Kumbaro dhe Drejtori i Përgjithshëm i Tatimeve Ceno Klosi kanë monitoruar situatën në bare, restorante dhe hotele në zonën e Ksamilit.
Kumbaro tha se çmimet i vendos tregu, por është shumë e rëndësishme transparenca në raport me klientët.
“Jemi në monitorim të të gjithë sezonit turistik, që nga pastërtia, që nga menaxhimi i plazheve, por edhe për t’u siguruar që sezoni të shkojmë mirë edhe përkundrejt respektimit ndaj detyrimeve tatimore.
Investimet e reja lidhur me fiskalizimin bëjnë të mundur që subjektet të monitorohen në distancë nga administrata tatimore pa krijuar shqetësimet e kontrolleve të befasishme kur bizneset janë në kulmin e sezonit turistik.
Këtë vit, sipas drejtorit të përgjithshëm të tatimeve Ceno Klosi, është prioritare që që bizneset të mos bezdisen më nga kontrolle masive, por të monitorohen në distancë dhe atje ku konstatohen probleme të merren masa.
“Arsyeja pse kemi ardhur me ministren e turizmit Kumbaro është sepse ka ankesa për mostransparencë. Qëllimi i vizitës është që të gjithë bizneset të kuptojnë që e mira e përbashkët është trasnparenca ndaj turistit pasi në momente të caktuara mund të sjellë fitime të vogla, por në plan afatgjatë shkakton dëme të pariparueshme”, u shpreh Klosi.
Sigurisht ne nuk kontrollojmë çmimet, se është një treg i lirë, por është shumë e rëndësishme që të kemi një lloj qetësie të klientelës në raport me transparencën”, u shpreh Kumbaro.
Në bisedat me disa menaxherë subjektesh, Kumbaro tha se duhet të ofrojnë transparencën e plotë me menu jo vetëm brenda, por edhe jashtë restoranteve për të shmangur keqkuptimet me klientët, si edhe ofrimin e kuponit tatimor në çdo transaksion.

Postimet e fundit

Më shumë si ky artikull
Të ngjashme

Blendi Klosi prezantohet drejtues politik i Partisë Socialiste për Qarkun Vlorë

Blendi Klosi u prezantua sot në Vlorë si drejtues...

Aksident në aksin Kardhiq-Delvinë, motomjeti del nga rruga, humb jetën shoferi (EMRI)

Një aksident me pasojë vdekje ka ndodhur këtë të...

WhatsApp pritet të sjellë 5 ndryshime të reja

Së fundmi drejtuesit e WhatsApp janë duke punuar për...

“Trirema XVI – 2022” i Klubit të Krijuesve Jonianë

Si përvit edhe në tetorin e 2022 Klubi i...