Arrestimi i shqiptarit të akuzuar për përdhunim në Greqi, Policia e Shtetit informacion zyrtar për operacionin: 45-vjeçari shprehu dëshirën për t’u dorëzuar te policia greke

Policia e Shtetit ka bërë të ditura detaje për operacionin e zhvillusr gjatë natës për arrestimin e shqiptarit të akuzuar në Greqi për përdhunim.
45-vjeçari është dorëzuar në orët e para të mëngjesit tek autoritetet greke, sipas policisë shqiptare me dëshirën e tij.
Policia e Shtetit
Angazhimi maksimal i strukturave të Policisë së Shtetit, reagimi profesional dhe në kohë, çuan në kapjen dhe dorëzimin vullnetar te Policia greke, të 45-vjeçarit nga Vlora, i kërkuar në Greqi, për përdhunim.
Policia e Shtetit, menjëherë pas shkëmbimit të informacioneve me homologët grekë, për një shtetas shqiptar që kishte përdhunuar një shtetase dhe kishte tentuar të përdhunonte një shtetase tjetër, organizoi strukturat operacionale për të ushtruar kontrolle të imtësishme në territorin ku dyshohej se fshihej 45-vjeçari.
Pas kërkimeve të pandërprera, në orët e vona të mbrëmjes së djeshme, strukturat operacionale të Drejtorisë Vendore të Policisë Vlorë bënë të mundur kapjen e shtetasit Spartak Dyrmishi, 45 vjeç, banues në Vlorë.
Duke qenë se ky shtetas ka shprehur dëshirën e tij për t’u dorëzuar te Policia greke, në orët e para të mëngjesit të sotëm, Policia shqiptare e ka dorëzuar atë në Pikën e Kalimit Kufitar Kakavije.
Gjatë një komunikimi në mesnatë, mes Drejtorit të Përgjithshëm të Policisë së Shtetit Drejtues Madhor Muhamet Rrumbullaku dhe Drejtorit të Përgjithshëm të Policisë greke Gjeneral Lieutenant Konstantinos Skoumas u vlerësua bashkëpunimi dhe reagimi mjaft profesional i Policisë shqiptare.
Drejtori i Policisë greke, Konstantinos Skoumas e ka falënderuar Drejtorin e Policisë shqiptare, për angazhimin dhe komunikimet e vazhdueshme të realizuara këto ditë, për reagimin e menjëhershëm dhe veprimet profesionale të Policisë shqiptare, të cilat ndikojnë në rritjen akoma më shumë të besueshmërisë nga homologët, forcimin e bashkëpunimit mes palëve, si dhe në rritjen e imazhit të Policisë shqiptare, ndërkombëtarisht.

Postimet e fundit

Më shumë si ky artikull
Të ngjashme

Lamtumirë “Aktori i madh i roleve të vogla”, Lek Mosi (Video)

    Nga Vangjel Agora    Nëse ka qenë dikur...

Nga Adrian Gurma: Kryebashkiakët e Qarkut Vlorë takim në Sarandë

Ishte kënaqësi pjesmarrja në Tryezën e mbajtur në Sarandë,...

80-vjetori i Çetës “Çamëria” nga Musa Kola

Sot përkujtohet 80-vjetori i krijimit të së parës çetë...

NGA THOMA NIKA : PROKOPI I DIJSHËM, PO AQ SA I GUXIMSHËM (VIDEO 2011)

Sot inxhinjeri pasionant i pyjeve dhe ekologu Prokop Qirjaqi...