15 – vjet më parë populli i Kosovës, pas një periudhe të gjatë vuajtje, luftë, përpjekje dhe fitoreje ndaj regjimit gjakatar të Millosheviçit më 1999 e udhëhequr nga UÇK me ndihmën e SHBA, NATO-s dhe të shteve të tjera ariti ti shpëtonte kthetrave të rregjimit gjakatar të shtetit serb. Me vullnetin e plotë të popullit të kosovës dhe me aprovimin e SHBA, Britanis së Madhe, Francës, Gjermanisë, Italisë etj më 17 shkurt të vitit 2008 shpalli pavarësinë.
Kjo ngjarje e rëndësishme për kombin tonë u prit me entusiazëm jo vetëm në Kosovë, Shqipëri, por edhe në Sarandë. Atë ditë të acartë qindra banorë, nxënës shkollash festuan për gjithë ditën nëpër rrugët, sheshet e qytetit. Në Lëkurës me pjesmarjen e të gjitha forcave politike, u ngrit në mënyrë simbolike flamuri kombëtar. Në darkë në orën 18 u ndoq drejtpërsdrejti momenti i shpalljes së pavarësisë së Kosovës. Ky material pasqyron festimet e mbarë popullit të qytetit, në atë ditë të acartë të 17 shkurtit të vitit 2008.
