Një zjarr ka shpërthyer pak minuta në parë në spitalin e Vlorës.
Burime bëjnë me dije se zjarri ka rënë brenda godinës së spitalit, në katin e tretë, që përkon dhe me repartin e kirurgjisë.
Fax News mëson se nga zjarri nuk ka rrezik për pacientët e shtruar.
Paraprakisht dyshohet se shkak për zjarrin është bërë një shkëndijë elektrike.
Pas disa minutave zjarrfikësit kanë mundur që të shuajnë flakët, ndërkohë që mediat nuk janë lejuar që të hyjnë në ambientet e brendshme të spitalit.
Njoftimi i policise:
Më datë 19.11.2021, rreth orës 13:20, ka rënë zjarr në Repartin e Kirurgjisë në spitalin e Vlorës. Si pasojë janë shkaktuar vetëm dëme materiale.
Në vendngjarje ndodhen forcat zjarrfikëse, të cilat po punojnë për fikjen e zjarrit.
Vijon puna nga grupi hetimor, për zbardhjen e rrethanave të ngjarjes dhe përcaktimin e shkakut të rënies së zjarrit.
/FaxNews/
