Ka ndërruar jetë në moshën 56-vjeçare politikania greke, Fofi Gennimata. Mediat greke shkruajnë se ajo vuante prej kohësh nga një sëmundje e rëndë dhe pas një beteje të gjatë me kancerin, e cila nuk arriti ta mposhtte dot, ndërroi jetë në mënyrë të parakohshme.
Ndërsa me vendim të Këshillit të Ministrave, e mërkura është shpallur ditë zie kombëtare në nder të politikanes së ndjerë. Ish-kryeministri grek George Papandreu ka shkruar një mesazh ngushëllimi për ndarjen nga jeta të Fofi Gennimata, përkrah fotos së saj: Ju jeni gjithmonë pranë nesh”. Mesazh ngushëllimi për ndarjen nga jeta të Fofi Gennimata, ka dërguar edhe kryetari i bashkisë Finiq, Kristaq Kico:
“Bota politike është më e varfër se sot, zonja e hekurt e qendrës së majtë humbi betejën me jetën, pas luftës me sëmundjen, sëmundje që për vete nuk ishte shkak i keqardhjes, dëshpërimit, terrorizmit apo fatkeqësisë, por një arsye për luftë, një luftë që fatkeqësisht humbi para kohe. Ngushëllimet tona të sinqerta familjes, të afërmve dhe KINALIT të saj.”
/sarandalife.al/
