Vodhi me dhunë aparatin celular të një shtetaseje, Policia kap dhe arreston 26-vjeçarin. Pas marrjes së njoftimit se në fshatin Metoq, bashkia Sarandë, duke qëndruar në automjet, shtetases me inicialet S. A. i kishin marrë me dhunë një aparat celular, menjëherë në vendngjarje kanë shkuar shërbimet e Policisë të cilët falë mirëorganizimit të punës, veprimeve të shpejta, kanë bërë të mundur identifikimin dhe kapjen e autorit të dyshuar të ngjarjes. Në vijim të veprimeve, specialistët për Hetimin e Krimeve në Komisariatin e Policisë Sarandë arrestuan për veprën penale “Vjedhje me dhunë” shtetasin Edison Leka 26 vjeç, banues në Sarandë.
Materialet do t’i kalojnë Prokurorisë pranë Gjykatës së Shkallës së Parë Sarandë për veprime të mëtejshme.