Këshilli i Lartë Gjyqësor shkrin 10 gjykata në vend e natyrisht edhe 10 prokurori, ku mes tyre përfshihet edhe Saranda. Ky ka qenë edhe qëllimi i takimit organizuar nga dhoma e avokatëve të Sarandës. Kjo nuk duhet të ndodhë sëpse është në dëm të komunitetit arësyetuan avokatët që diskutuan për rastin. Kryetari i dhomës së avokatëve Merdan Nora njohu pjesëmarrësit për qëllimin e takimit, ndërsa spjegoi se për atë cfarë flitet ende nuk ka asgjë konkrete. Ndërsa avokat Verdi Hadëri u shpreh me detaje se cfarë dëmi i bëhet komunitetit të rajonit të jugut me shkrirjen e gjykatës . Të të njëjtit mendim ishin në fjalën e tyre edhe avokat Altin Isufi dhe Edison Ademi. Sipas tyre as Qeveria e as Presidenti nuk duhet ta miratojnë këtë vendim të KLGJ. Gjykata e Sarandës u shërben komunitetit të katër bashkive, Sarandë, Konispol, Delvinë, Finiq deri në Borsh.