Mes një atmosfere të gëzueshme të veçantë për këtë me pjesëmarrje të grupeve folklorike, të Delvinës, Sarandës, por edhe të violinistëve të Qendrës Kulturore të Fëmijëve të Sarandës u hap sot zyrtarisht rruga Kardhiq-Delvinë. 
Prerja e shiritit për tunelin nisi nga hyrja nga Kardhiqi në Gjirokastër drejt krahut tjetër Delvinë duke u çarë kështu mali i Skërficës.
Merrte pjesë kryeministri Edi Rama, Damian Gjiknuri, Sekretar i Përgjithshëm i Partisë Socialiste, Belinda Balluku,ministre e Infrastrukturës dhe Energjisë, Mirela Kumbaro, Ministre e Kulturës dhe Turizmit, deputetët, Anila Denaj e Niko Kuri, kryebashkiakët e Sarandës, Delvinës, Gjirokastrës, Tepelenës e Përmetit, Prefekti i Qarkut Vlorë, Flamur Mamaj.
Mes banorëve të zonës kishin ardhur edhe banorë nga Saranda e Delvina por edhe të huaj.
Hapja e rrugës sot është rruga që sjell Sarandën më afër duke shkurtuar kohën e udhëtimit për në plazhet e kristalta duke e bërë rrugën Tiranë-Sarandë 45 minuta më shpejt.
Me një gjatësi prej 33 km, përfundimi i rrugës Kardhiq-Delvinë e shkurton me 3 orë kohën e udhëtimit nga Tirana në Sarandë, duke i dhënë një hov të mëtejshëm shumëdimensional të zonës dhe vendit.
.
