- Advertisement -
Ka startuar në Sarandë Kampionati Lokal i Shahut, një traditë e përvitshme, që ka kujdesin e Bashkisë dhe organizohet nga Klubi Shumësportësh. Ky Kampionat, që sivjet është në edicionin e 21-të, zhvillohet nga 17-21 shkurt. Marrin pjesë tre grupmosha: fëmijë, të rinj e të rritur, të përfaqësuar nga 22 shahistë, që po zhvillojnë përballje interesante. Pasditja e të hënës së 21 shkurtit do të shënojë mbylljen e Kampionatit Lokal të Shahut 2022, ku do të nderohen shahistët më të mirë dhe do të zbulohet Kampioni i edicionit të 21-të.